برمجة تطبيقات الوب باستخدام AJAX - الدرس الثاني :التقنيات المطلوبة لاحتراف أجاكس 1-HTML and XHTML

باختصار لكي تحترف العمل بهذه التقنية تحتاج:
1- HTML and XHTML
CSS (Cascading Style Sheets) -2
JavaScript -3
DOM (Document Object model) -4
XML (Extensible markup language) -5
XSLT (Extensible Stylesheet Language Transformations) -6
XMLHttpRequest -7

لغة HTML مع XHTML تقع في المستوى 0 في تطوير تطبيقات الوب و نتكلم قليلاً عنها:
HTML اختصار Hyper Text Markup Language و هي عبارة عن لغة وسوم (Tags) مهمتها الرئيسية توصيف صفحة الوب (أي إدراج العناصر التي تكوّن صفحة الوب حيث يقوم كل عنصر بالتحكم بطريقة عرض البيانات المحتواة ضمنه إذا HTML تختص بعرض البيانات)
ملاحظة:سابقاً كانت HTML تختص أيضاً بتنسيق كافة عملية العرض و لكن و بعد هذا التطور الكبير في تقنيات الوب أصبحت CSS لغة مخصصة لتنسيق العرض
كل شيء عن HTML يمكن معرفته عن طريق هذا الرباط http://www.html.net/tutorials/html
و أي سؤال عن HTML يمكن طرحه في هذا الموضوع.
بالنسبة لـ XHTML و هي Extensible Hyper Text Markup Language
تعد XHTML النسخة الصارمة و النقية من HTML بمعنى انها تفرض على HTML قواعد ينبغي الالتزام بها بحيث تكون كتابة صفحة الوب فيها نوع من الاحترافية و الدقة و القواعد (كما كل لغة). أي XHTML هي HTML مع مجموعة من القواعد.
فما هي قواعد XHTML ؟
1- كل عنصر في HTML ينبغي إغلاقه بوسم الإغلاق الخاص به بحيث لا يبقى في صفحة الوب أي عنصر لم يتم إغلاقه.
2- كل وسوم صفحة الوب يجب أن تكون بأحرف صغيرة.
3- عند إدراج وسوم متداخلة يجب إغلاقها بالترتيب أي آخر وسم سوف يتم إغلاقه أول وسم.
4- للوسوم التي ليس لها وسم إغلاق ينبغي وضع الإشارة / قبل إشارة الإغلاق الوسم.
4- عند استخدام واصفات الوسم ينبغي استخدام إشارتي التنصيص لإغلاق قيمة الواصفة.
يرجى مشاهدة هذه الصفحة لرؤية الأمثلة: http://www.quackit.com/xhtml/xhtml_tutorial.cfm
حيث تعرض الطريقة الصحيحة لكتابة وسوم صفحة الوب.
في المستوى 0 المطلوب (لمن يهمه الأمر طبعاً) مراجعة HTML و فهم XHTML بشكل مقبول (يفضل قراءة المزيد عنها).

يعني استاذ لازم احترف كل شي حكيت عنو لحتى اقدر بلش بال AJAX
يعني عندي اطلاع على ال HTML & CSS بس الجافا سكريبت شي بسيط كتير وماتبقى ماني سمعان فيه .

غير مطلوب الاحتراف الكامل لهذه التقنيات و لكن حتماً مطلوب معرفة كل تقنية و فائدتها و العمل فيها لأنها بالنهاية كلها رح تستخدمها بالتطبيق النهائي ضمن حلقة متكاملة.
الاطلاع غير كافي لشخص بدو يطور تطبيقات وب بـ AJAX أو بغيرها...
و بالنسبة للجافا سكريبت طبعاً مطلوبة بشكل كبير و ما بيكفي فيها شي بسيط.
يعني الشغلة بدها تعب شوي.

مشكووور استاذنا الغالي

اول شي يعطيك الف عافية استاذ عالدرس
بس باعتبارنا بالمستوا صفر انا عم بيصير معي مشكلة كتير عم تلبكني بالشغل وبعتقد هالمشكلة من مشاكل المستوى صفر

المشكلة هي اني لما عم صمم صفحة معينة واعرض الصفحة على المستعرض فايرفوكس عم تطلع ممتازة ولما عم اعرض الصفحة على الانترنت اكسبلورر (بكل اصداراته) عم تطلع ملخبطة شوي
المشكلة صارت معي حتى مع قوالب جوملا لما فتت عالقالب وعلى شيفرة القالب وضفت اكواد HTML يدويا كان الوضع طبيعي مع فايرفوكس بس مع اكسبلورر كان في لخبطة بالصفحة كتير مع اني ما عملت شي غير اني ضفت الكود جوات الوسم <DIV> والوضع كان اكتر من ممتاز مع فايرفوكس بس اللخبطة مع اكسبلورر متل ما سبق وقلت

ياريت حل شافي للمشكلة اذا عندك لاني دورت كتير وما مشي الحال

على فكرة استاذ انا عرفت وسمعت كتير انو تطوير انظمة ادارة المحتوى (متل جوملا او النيوك او ورد برس) بيعطي ثمرات اكتر من تصميم الموقع يدويا واحسن بكتير من البدء من نقطة الصفر باعتبار انظمة ادارة المحتوى اغلبها مفتوحة المصدر والتعامل معها سهل ونواتها البرمجية جاهزة وقوية يعني نحنا محتادجين برمجة قوالب وبهالطريقة بتخلي الموقع متل العجينة بايدك ومتل ما بدك بتعملو لا وغير هيك في عندك لوحة ادارة بتساعدك بكتييييييير شغلات

بقى انت شور ايك

كيف الشباب عذرا اول شي على التأخير الي صاير. الحقيقة السبب هو كان في أكتر من برنامج عم اشتغل فيهم نفس الوقت المهم...
بالنسبة لسؤال نورس:
حتى تأمن عملية التوافق بين الموزيلا و الفاير فوكس لازم تدرس كل الحالات اللي بيصير فيها عملية التعارض و لنكون اكتر دقة لازم نلاقي طريقة نكتب فيها كود CSS مشترك بين المتصفحين بحيث تكون النتائج واحدة.
مثلاً مشكلة الهوامش: بالموزيلا اذا عطيت الخاصية marign: auto 0 للمقطع الأساسي (main) بتكون النتيجة انو المقطع موضعو بالصفحة هو center بينما بالاكسبلورر بيكون left... دورت انا على حل المشكلة فكان في حلين احدهم انو تعطي الوسم body:text-align:center. لاحظ انو ما في قانون معين للتعارضات يعني كل مشكلة و بدك تدور على حلها.
طبعا وين بيصير التعقيد: لما بتكون عم تشتغل على ملف CSS كبير (متل ملف المجلات مثلا) و بيروح بيطلع معك تعارض هون شو بتساوي, بترجع على المنطقة اللي عم يطلع فيها المشكلة و بتشوف التعديل اللي انت ساويتو و اللي سبب التعارض بعدين لازم تدور على المشكلة على الوب و تعرف يا ترى في شي لازم ينضاف على الكود أو على المقطع مشان تتطلع نفس النتائج على الاكسبلورر.

مشان السؤال التاني: انا طبعا ما عم الغي عمل أنظمة إدارة المحتوى طبعا انت كمطور بدك تختصر وقت و تشتغل على انظمة ادارة المحتوى بس لا تنسى انو هي الانظمة برمجوها على اسس معايير الوب اللي عم احكي عنها فانت مطلوب منك تفهم هي الاسس مشان تعرف تطور انظمة ادارة المحتوى بشكل اكبر فاعلية و بدون مشاكل و اكيد لا تنسى شغلة هامة انك مو مصمم بس انت مبرمج كمان فلازم تعرف آليات دمج الاضافات (التصميمية و البرمجية) على أي نظام ادرة محتوى.
و تأكد أنو ثمرات شغلك على موقع بايدك اكبر بكتير من ثمرات الامور الجاهزة ياللي عم تخليك تتجاوز كتير امور (طبعا هالحكي لما بتكون بمرحلة التعلم)
بينما لما بتكون الامور business اكيد بدك سرعة و اختصار وقت طبعا CMS.
بشكل عام كل شخص بيرتاح لطريقة معينة بتطوير تطبيقات الوب يعني انا لهلا مثلا ما شفت تنين عم يشتغلو بنفس الطريقة تماما بس اتاكد انو اللي فهمان الاسس النظرية للموضوع و اللي بيدمج أكتر من طريقة بالتطوير هو احسن شي.

يسلم تمك يا استاذ اياس.
انا مع الاستاذ اياس بكل كلمة وانا بفضل البدء من الصفر حتى يصير الواحد قادر يعدل و يطور بشي متقدم متل (جملة وورد برس) يعني نحنا ممكن نفتح السورس لصفحات جملة ونغير الستايل ونضيف كلمات و نحذف كلمات بس عاجزين انو نغير بطريقة عمل البرنامج أو اضافة شروط و اختبارات معينة.