شو رأيكن بعلامات اللينوكس ؟؟؟ الكفو يدخل

انا براي انوا الاسئلة كانت عادية جدا بس فيها شوية صعوبة
بس المشكلة كانت فينا
يعني انا شخصيا درست منيح وفكرت اني رح جيب علامة كويسة بس ما بعرف ليش الأسئلة فاجئتني كتير
ولكن اذا رجعنا للمنطق بنشوف انوا الاسئلة كانت عادية جدا واي شخص جرب البرمجة باستخدام للشل (طبعا لفترة طويلة) لكان حل الاسئلة بسهولة

على كل حال انا ماعندي اية مشكلة بعلامتي لانوا هيك بستحق بص اذا رجعنا للصراحة لازم تكون العلامات غير هيك حتى ولو اطر الاستاذ للمساعدة الغير عقلانية (يعني حتى لو كاتب خطأ لازم تكون اخدت علامة)
يعني ما كتير فرقت العلامات بين شخص اخد صفر او واحد او تنين او ثلاثة او اربعة بعتقد كل العلامات بتشبة الصفر

بلكي المذاكرة التانية بتكون احسن

انا مع نورس بكل كلمة حكاها

هالحكي في شيْ من الصحة بس كمان كان فيه يحسن العلامات شوي
لأنا مخجلة

طيب هلاء المشكلة
اذا الاستاذ حط اسئلة سهلة بتقولو كتير سهلة من كتر ما سهلة تلبكنا بالحل متل ما صار معي ؟؟؟!!!!!
واذا طول الاسئلة بتقولو طويلة
واذا صعبة ودقيقة بتقولو مستحيلة الحل
واذا ساعدكم واذا ما ساعدكم واذا واذا ............
الحل يا شباب انو لازم تدرسو اكتر والموضوع ما هو مجرد شهادة وبدنا نتخرج
الموضوع موضوع تميز لازم نفكر كتير ونوقف عند هي النقطة كتيرررررررر
تمنياتي لكم جميعا بالتوفيق والنجاح والتميز
تحياتي لاحلا طلاب برمجيات

اللي بيتعود على السهل بيضل ضعيف هاد هو المبدأ بهندسة البرمجيات.
لو تعرفو التعقيد اللي وصلت الو البرامج و تصميمها بهالأيام هي كنتو بتعرفو أنو أفضل شي أنو تتعبو على حالكون منيح و تتعودو تبنو مستويات من التعقيد بالبرامج اللي عم تكتبوها لأنو اليوم اللي ما رح يكون فيه محل للإنسان العادي و المتوسط قد أتى.
سوف يكون هناك مكان للميزين فقط و لن يبقى للذين يعتقدون بأن بضعة سطور برمجية كافية إلا التأمل و الأحلام غير القابلة للتحقيق.
كان فيني جيب أسئلة تخليكون تطلعو عم تضحكو و فرحانين بالعلامات التامة تبعكون بس ما عملت هيك لأني في فرق بين إنسان عندو رسالة و بين إنسان غير مكترث بما يفعله.
يا شباب لازم تعرفو أنو العلم و تحديداً (هندسة البرمجيات) ما فيها مجاملات و تملق لازم تتعودو على النقد حتى ولو كان ما عاجبكن لأنو رح تتعرضو لأكتر من هيك بالمستقبل و طبعاً نقدي مبني على أني مبرمج بخمس لغات برمجية ولي نوعاً ما خبرة برمجية تمتد ست سنوات و أتمنى أن تعرفو أن أي نقد وجهتو لحدا كان ما كان دافعو شخصي أبداً....
على لكن مشان العلامات أنا بتمنى تكون دافع الكون لتعرفو أنو عندكون نقص لازم تغطوه. و بتمنى نضل على تواصل.